Close
Welcome to Green Books India
Alahayude pennmakkal

Alahayude pennmakkal

Author: Sarah Joseph

star

ആലാഹയുടെ പെൺമക്കൾ

Add to Basket

Book by Sarah Joseph

നാഗരികതയുടെ നിന്ദ്യവേഗങ്ങളിലമര്‍ന്നുപോയ ഒരു ജനതയുടെ സ്ഥലവേരുകളും ഭാഷയും വീണ്ടെടുക്കുകയാണ്‌ ഈ നോവലില്‍. ഒരുച്ചാടനത്തിന്റെ ഭാഷയും ശക്തിയുമുളള ആലാഹയുടെ നമസ്‌കാരം ക്രിസ്‌തീയ ജീവിതത്തില്‍ ചെലുത്തിയ സ്വാധീനം ഈ നോവലില്‍ ആവിഷ്‌കരിക്കുന്നു. കീഴാളജനവിഭാഗത്തിന്റെ പ്രതിരോധത്തിന്റെ ഒരു ഗൂഢമന്ത്രമായിത്തീര്‍ന്ന പ്രാര്‍ഥനാനമസ്‌കാരം ആലാഹയുടെ പെണ്‍മക്കള്‍ വീണ്ടും ചൊല്ലുന്നു. മലയാളത്തില്‍ അത്യപൂര്‍വ്വമെന്ന്‌ വിശേഷിപ്പിക്കാവുന്ന മാന്ത്രികശക്തിയുളള ഭാഷയും സ്വരവും കാഴ്‌ചകളും, നവീനമായൊരു ഇന്ദ്രിയാനുഭൂതി നല്‌കുന്നു.

No reviews found

About Author

Sarah Joseph

Sarah Joseph

About Sarah Joseph

അധ്യാപിക, നോവലിസ്റ്റ്, രാഷ്ട്രീയ-സാമൂഹ്യപ്രവര്‍ത്തക. 1946 ഫെബ്രുവരി 10ന് തൃശൂരിലെ കുരിയച്ചിറയില്‍ ജനനം. ചേലക്കോട്ടുകര മാര്‍ തിമോത്തിയോസ് ഹൈസ്‌കൂളില്‍ വിദ്യാഭ്യാസം. ഗവ. കോളേജ് അധ്യാപികയായി വിരമിച്ചു. കേരള സാഹിത്യ അക്കാദമി മെമ്പറായിരുന്നു. മലയാള സാഹിത്യത്തില്‍ തന്റെ നോവലുകളും കഥകളുമായി സ്ഥിരപ്രതിഷ്ഠ നേടിയ ഒരെഴുത്തുകാരി കൂടിയാണ് സാറാ ജോസഫ്. ഇപ്പോള്‍ കേരളത്തിലെ ഫെമിനിസ്റ്റ് പ്രസ്ഥാനത്തിന്റെ പ്രധാന സംഘാടകയും പ്രവര്‍ത്തകയും. പ്രശസ്ത രചനകള്‍: മനസ്സിലെ തീ മാത്രം, കാടിന്റെ സംഗീതം, നന്മതിന്മകളുടെ വൃക്ഷം, പാപത്തറ, നിലാവറിയുന്നു, ഒടുവിലത്തെ സൂര്യകാന്തി, കാടിതു കണ്ടായോ കാന്താ, പുതുരാമായണം - രാമകഥകള്‍ വീണ്ടും പറയുന്നു, ആലാഹയുടെ പെണ്‍മക്കള്‍, മാറ്റാത്തി, ഒതപ്പ്, ഊരുകാവല്‍. പുരസ്‌കാരങ്ങള്‍: കേന്ദ്ര-കേരള സാഹിത്യ അക്കാദമി അവാര്‍ഡ്, ചെറുകാട് അവാര്‍ഡ്, വയലാര്‍ അവാര്‍ഡ്, പ്രഥമ ഒ. ചന്തുമേനോന്‍ പുരസ്‌കാരം, അബുദാബി അരങ്ങ് അവാര്‍ഡ്, കുവൈറ്റ് കലാ പുരസ്‌കാരം, ശ്വാസ്വതി നാഷണല്‍ അവാര്‍ഡ്, പ്രഥമ കലൈഞ്ജര്‍ കരുണാനിധി സാഹിത്യ പുരസ്‌കാരം.